സ്‌കൂളുകള്‍ തുറക്കുമ്പോള്‍ ചില ആരോഗ്യ നിര്‍ദ്ദേശങ്ങള്‍
ജോബി ബേബി
കോവിഡ് മഹാമാരിയുടെ രണ്ടാം തരംഗത്തില്‍ നിന്നും സംസ്ഥാനം
പുറത്തുവന്നുകൊണ്ടിരിക്കുകയാണ്.സ്‌കൂളുകള്‍ ഘട്ടം ഘട്ടമായി തുറക്കാനുള്ള
തീരുമാനമാണ് സര്‍ക്കാര്‍ തീരുമാനിച്ചിരിക്കുന്നത്.വളരെ കാര്യക്ഷമമായ
മുന്നൊരുക്കങ്ങള്‍ ഇതിന് ആവശ്യമാണ്.രണ്ട് വര്‍ഷത്തോളമായി വീടുകളില്‍
അടച്ചിട്ട രീതിയില്‍ വിദ്യാര്‍ത്ഥികള്‍ വിവിധ മാനസീക പിരിമുറുക്കങ്ങളാല്‍
ബുദ്ധിമുട്ടുകയാണ്.സാമൂഹീകമായ ഇടപഴലുകള്‍ ഇല്ലാതിരുന്ന ഈ അവസ്ഥ
സാമൂഹിക ജീവിയായി ഉള്ള അവരുടെ വികാസത്തിന് വിലങ്ങു തടിയാണ്. ഇതു കൂടാതെ ഗാര്‍ഹീക അതിക്രമങ്ങളും പീഡനങ്ങളും വര്‍ദ്ധിക്കുന്നതായും
സൂചനകളുമുണ്ട്.ഇതിന് ഒരു അറുതി വരുത്തുവാന്‍ ഘട്ടം ഘട്ടമായി
സാവകാശം സ്‌കൂളുകള്‍ തുറക്കുന്നത് സഹായിക്കും.
സ്‌കൂളിലെ അധ്യാപകരും അനധ്യാപകരും വാഹനങ്ങളിലെ ജീവനക്കാരുമെല്ലാം നിര്‍ബന്ധമായും വാക്‌സിനേഷന്‍ ചെയ്യ്തിരിക്കണം.കുട്ടികളുടെ മാതാപിതാക്കളും മുതിര്‍ന്ന കുടുംബാംഗങ്ങളും എല്ലാം വാക്‌സിനേഷന്‍ കര്‍ശനമായി എടുത്തിരിക്കണം എന്ന നിബന്ധന അത്യാവശ്യമാണ്.ക്ലാസുകള്‍ ക്രമീകരിക്കുമ്പോള്‍ ഒരു ബെഞ്ചില്‍ ഒന്നോ രണ്ടോ കുട്ടികള്‍ മാത്രം സാമൂഹിക അകലത്തില്‍ ഇരിക്കുന്ന രീതി നടപ്പിലാക്കണം.ക്ലാസുകള്‍ വിഭജിച്ചു പഠനം നടത്തേണ്ടതാണ്. ഓണ്‍ലൈന്‍/ഓഫ്ലൈന്‍ ഹൈബ്രിഡ് സംവിധാനം ഇതിനായി ഉപയോഗപ്പെടുത്താം.ഒരു ബാച്ചു കുട്ടികള്‍ ക്ലാസ്സുകളില്‍ ഹാജരായി പഠനം നടത്തുമ്പോള്‍ അതേ ക്ലാസ്സ് മറ്റൊരു ബാച്ചിന് ഓണ്‍ലൈന്‍ ആയി അറ്റന്‍ഡ് ചെയ്യാവുന്നതാണ്. ഓണ്‍ലൈന്‍ അറ്റന്‍ഡ് ചെയ്യ്തവരെ അടുത്തദിവസം ക്ലാസ്സുകളില്‍ നേരിട്ട് ഹാജരാകുന്ന രീതിയിലും
ക്രമീകരിക്കാം.ക്ലാസുകള്‍ക്കിടയില്‍ ഇടവേളകള്‍ ശാസ്ത്രീയമായി
ക്രമീകരിക്കണം.ഒരു കാരണവശാലും സ്‌കൂളില്‍ ഹാജരാവുന്ന കുട്ടികള്‍ എല്ലാം ഒരു മിച്ചു കൂടുന്ന അവസ്ഥ ഉണ്ടാകാന്‍ അനുവദിക്കരുത്.വിവിധ
ഡിവിഷനുകളുടെ അടിസ്ഥാനത്തില്‍ പ്രത്യേക ഇടവേളകള്‍
നല്‍കുകയായിരിക്കും ഉത്തമം.സ്‌കൂളുകളില്‍ വെച്ച് ഭക്ഷണം കഴിക്കുന്ന
ഇടവേളകള്‍ ഉണ്ടാകാതിരിക്കുന്നതാണ് നല്ലത്.ഷിഫ്റ്റ് രീതിയില്‍ ഇത്തരം
ക്രമീകരണം സാധ്യമാണുതാനും.അടച്ചിട്ട മുറികളിലും കൂട്ടം ചേരലുകളിലും
ആണ് കൊറോണ വൈറസ് ഏറ്റവും കൂടുതല്‍ വ്യാപിക്കുന്നത് എന്നത്
ശാസ്ത്രീയമായി തെളിയിക്കപ്പെട്ടതാണ്.അതുകൊണ്ട് തന്നെ അത്തരം
സാഹചര്യങ്ങള്‍ സ്‌കൂളുകളില്‍ ഒഴിവാക്കിയേ മതിയാകൂ.
മാസ്‌ക് ധരിക്കല്‍,സാനിറ്റൈസര്‍ ഉപയോഗിക്കല്‍,സാമൂഹിക അകലം പാലിക്കല്‍ എന്നീ കോവിഡ് മാനദണ്ഡങ്ങളുടെ പ്രാധാന്യം സിലബസ്സിന്റെ
ഭാഗമായിത്തന്നെ കുട്ടികളെ പഠിപ്പിക്കണം.സ്വന്തം വീടുകളിലും പരിസരത്തും
പൊതുസ്ഥലങ്ങളിലും ഈ മാനദണ്ഡങ്ങള്‍ പാലിക്കാന്‍ വിദ്യാര്‍ത്ഥികളെ
പ്രാപ്തരാക്കണം.ഈ സന്ദേശം മറ്റുള്ളവരിലേക്ക് പകര്‍ന്നു നല്‍കാനും
വിദ്യാര്‍ത്ഥികളെ പ്രാപ്തരാക്കണം.ഈ സന്ദേശം മറ്റുള്ളവരിലേക്ക് പകര്‍ന്ന്
നല്‍കാനും വിദ്യാര്‍ത്ഥികളെ ബോധവത്കരിക്കണം.അധ്യാപകര്‍ക്കും
പഠിതാക്കള്‍ക്കും രക്ഷാകര്‍ത്താക്കള്‍ക്കും ഒരു പോലെ പരിശീലനം
ആവശ്യമാണ്.കോവിഡ് മഹാമാരി നമ്മുടെ ജീവിതരീതികള്‍ എല്ലാം മാറ്റി
മറിച്ചു.സ്‌കൂള്‍ പഠനരീതികളിലും കാതലായ മാറ്റം
അനിവാര്യമായിരിക്കുകയാണ്.ഏറ്റവും പ്രധാനപ്പെട്ട പഠന ഭാഗങ്ങള്‍ക്ക് ഊന്നല്‍ കൊടുത്തു സ്‌കൂള്‍ ക്ലാസ്സുകളില്‍ പഠിപ്പിക്കുന്ന രീതിയിലേക്ക് നാം മാറേണ്ടി വരും. സ്‌കൂളിലെ പഠന മണിക്കൂറുകള്‍ കുറയ്ക്കുന്ന രീതിയില്‍ സിലബസ് പുന:രാവിഷ്‌ക്കരിക്കണം.അടുത്ത കുറച്ചു വര്‍ഷത്തേക്കെങ്കിലും ഇത്തരത്തില്‍ കൂട്ടം ചേരലുകള്‍ ഒഴിവാക്കുന്ന സാഹചര്യം സ്‌കൂളുകളില്‍ ഉണ്ടാകണം.
കുട്ടികളെ സ്‌കൂളില്‍ എത്തിക്കുന്നതിനുള്ള ട്രാന്സ്പോര്ട്ട് സംവിധാനം
കുറ്റമറ്റതായിരിക്കണം.കോവിഡ് മാനദണ്ഡങ്ങള്‍ പാലിച്ചു കൊണ്ട് വാഹനങ്ങള്‍
പലയാവര്‍ത്തി ഓടിക്കേണ്ടതായി വരും.സാമ്പത്തികമായി പിന്നോക്കം
നില്‍ക്കുന്ന വിദ്യാര്‍ത്ഥികള്‍ക്ക് അധിക സാമ്പത്തിക ബാധ്യത ഉണ്ടാകാനുള്ള
സാഹചര്യം മുന്നില്‍ കണ്ടുകൊണ്ട് ഈ ഘട്ടത്തില്‍ സര്‍ക്കാര്‍ മുന്‍കരുതല്‍
എടുക്കേണ്ടതാണ്.സര്‍ക്കാര്‍ ട്രാന്സ്പോര്ട്ട് സംവിധാനങ്ങള്‍ ഇതിലേക്കായി
പുനര്‍വിന്യസിക്കുന്നതും നന്നായിരിക്കും.കുട്ടികള്‍ക്ക് വാക്‌സിനേഷന്‍ നല്‍കാന്‍
അനുവാദം ലഭിക്കുന്ന മാത്രയില്‍ വാക്‌സിനേഷന്‍ ക്യാമ്പുകള്‍ പഠന
കേന്ദ്രങ്ങളില്‍ തന്നെ സജ്ജമാക്കണം.കാലതാമസം കൂടാതെ എല്ലാ
വിദ്യാര്‍ത്ഥികള്‍ക്കും വാക്‌സിന്‍ എത്തിക്കേണ്ടത് രോഗവ്യാപനത്തെ
പ്രതിരോധിക്കാന്‍ അത്യന്താപേക്ഷിതമാണ്.
വാക്‌സിനേഷന്‍ എടുക്കാതെ ഈ ഘട്ടത്തില്‍ സ്‌കൂളുകള്‍ തുറക്കുന്നത്
രോഗവ്യാപനം കൂട്ടുമെന്ന ആശങ്ക കുറേപേര്‍ക്കെങ്കിലും ഉണ്ട്.ഇതുവരെ നടന്ന
പഠനങ്ങളില്‍ ചെറിയ കുട്ടികളില്‍ രോഗം വരാന്‍ സാധ്യത കുറവാണെന്നും
അവരില്‍ നിന്നും രോഗവ്യാപന സാധ്യത തീരെ കുറവാണെന്നുമാണ്
മനസ്സിലാക്കുന്നത്.അതുകൊണ്ട് താരതമ്യേന റിസ്‌ക്
ഒഴിവാകുന്നു.ബഹുപൂരിപക്ഷം പേര്‍ക്കും വാക്‌സിന്‍ ലഭിച്ചാല്‍ വൈറസിന്റെ
വ്യാപനം കുറയുകയും ചെയ്യും.
(കുവൈറ്റില്‍ നഴ്സായി ജോലി നോക്കുന്നു ലേഖകന്‍).
